狗過兔年

新年帶左兩個仔返娘家
因為想佢地可以同屋企人一齊食團年飯、開年飯
同埋見下姑媽
點知，過左兩日之後
由亞爸到我細佬
竟然一致性咁讚亞豆聽話
連我唔多中意小動物既亞媽都勁摸豆豆個頭
梗係喇, 因為亞豆係唔會吠!!
唔會嘈到佢地!
而衰仔豆好似知道被人讚咁，個樣一路好得戚咁!

反而，仔仔就被人勁話
佢個樣好慘，好冇心機咁!
心痛死我!! 做咩人人都鬧仔仔呀?!
見到佢被人鬧，我就抱住錫下佢、氹下佢! 安撫下佢!
之後，因為我太累入左房瞓
佢竟然一直守在門口陪我
連我亞妹入房，佢都唔俾
勁吠!! Haha….
不過我亞妹從來冇鬧過仔仔
可能仔仔係一心保護我
好乖仔呀!! 抵我最鍚佢!
不過，媽咪都笑笑口咁講仔仔好似d細路哥咁會妒忌
因為年30晚，媽咪將唔吠既豆豆帶左入房瞓
而仔仔就被鎖住在露台瞓
妒忌心超強既仔仔當然一開始就勁吠來表達不滿
繼而嗚嗚悲鳴! 唔通仔仔掛住我?
到後來媽咪放番佢入屋
佢先收聲!! 係呀! 仔仔係需要多d愛!

其實係人都知我偏心仔仔
對豆豆，我唔係唔愛
只係冇咁愛之ma!
而我成日都用亞豆做我擋箭牌
Haha, 例如我得罪左人
通常呢個時候我就派豆豆出場
舉個例, 好似尋日同朋友飲野
席間，我又向朋友sell 豆豆
朋友: 最近好悶呀!
我: 做咩咁講呀! 想打我豆豆主意呀?
朋友: 咩呀!? 又同我sell 豆豆呀?
我: 係呀! 我睇得出豆豆好愛你wor, 不如你帶佢回家喇……
朋友: 你好似d扯皮條….
不過，講開又講, 佢係第一個夠膽在我面前
用飛腳推開我兩個狗…未俾我鬧過!!
除左我之外，冇人可以打我d狗!!