嫁得出?

今日又有人問我宜家有冇拍拖
但今次問既人，係個女仔!

個blog好耐冇講我既感情生活
其實都係時候update一下
早前，我過了好一段平靜日子
真真正正享受著單身的生活
即使我宜家冇男朋友
亦唔知幾時先有人娶我
但我內心很相信
總有一日我會同一個好愛我既人踏上紅地毯
所以我要在愈來愈短既單身日子內好好拚搏
講真，我覺得自己未夠資格做人老婆或者媽咪
(可能連一個女朋友我都唔知做唔做得好
究竟我可以給”你”幸福的感覺嗎?)

年紀大了，覺得自己愈來愈複雜
所以想搵一個簡單又愛我既人
其實亞媽仍然一心想介紹個元朗男仔俾我
不過我斷然reject佢
攪錯!! 宜家我冇人追咩?
係喇…..究竟我有冇人追呢?
Um……我都唔知!
不過心急既我
反而喜歡人慢慢approach
很醉人、很細水長流的感覺!! Haha
(都30歲喇, 但覺得自己好似10月芥菜咁!! Help~)

不過，有人追冇人追都好
我想做既事太多
還是想好好做晒要做既事先!!
橫惦，我點都會嫁得出! Haha!