你點知道30年後的"80後"比你差嗎??

前天我在FACEBOOK見到人地COPY左一篇蘇民峰狠批80後
可能我係80後，當我睇左之後，立即火起千丈! 特別是他的一句"無得救"!!
成篇野，我只係覺得佢在踩低人來抬高自己....
佢係真心想提醒我地咩? 佢真係真心對社會未來棟樑? 我FEEL唔到!
如果佢有仔女，佢會對自己仔女講" 無得救"嗎???
簡直係分化社會....出發點好有問題...睇野又片面!

每個年代也有自怨自艾既人
80後有、50後也有....
每個年代也有發奮向上的人
80後有、50後也有....

幾多80後的人比蘇師父勤力...
幾多80後係有理想既人?
究竟80後做錯咩? 唔好將所有懶人都歸入80後!

為什麼要 比 較 50後 和 80後....????
有必要嗎??? 為什麼我做好自己, 呻兩句都唔得??
你點知道30年後的"80後"比你差嗎??



生於六十後的蘇民峰，做過手錶廠，當過髮型師，捱過跌過才變成今日身家過億的當紅堪輿學家。近日「八十後」變成社會話題，他看在眼裏認為這班年輕人「根本就係發緊夢」。

首罝業為搵食買寫子樓

「想買樓?呢班「八十後」咪等等囉，日日係度發夢，個個想唔駛做就有層樓，唔通我以前買到樓呀?」
時光倒流30多年，蘇民峰中三畢業後，出來社會工作，人工僅得2000元，「我在八十年代賺2,000蚊一個月，一層樓賣50萬元，點買呀?咪要錢搵錢囉，後來搵10萬一個月，買了一層60萬元的樓。」
一般人買樓上車，都是買來自住，蘇民峰則搵食為先，第一層樓就買了佐敦嘉賓大廈旁邊一個280平方呢單位作為寫了樓;買第二層時，同樣是佐敦，位於德興街，又用來做寫字樓。「八十後要買2000呎嘛，我地六十後好腳踏實地，買寫子樓是為了搵食，住就租，4000幾蚊租，後來加到5000蚊，於是我就買了一層59萬元的樓，付了一成首期，租5000，供5000，到1991年年尾己升了一倍。」
現年50歲，未結婚，無子女的蘇民峰，對「八十後」完全摸不著頭腦，「以前我地無屋企養嘛，人人都由200呎開始架啦!「八十後」食飽憂米，以為一出來就發達，最慘是屋企當他們如珠如寶，一出來做事咪死囉!」
蘇民峰更為認為這班「八十後」無得救，「大陸人競爭強，五百又做一千又做，一路捱上去，香港的「八十後」，一出黎就要做總經理，律師要住中環唔住天水圍，呢班人無得救啦!」