心慌慌

尋晚返到家，發現被爆格!!
呢次係我身平第一次有賊入屋

所以感受特別多!

第一是我發現我兩隻狗冇Q用
由豆豆同仔仔對d唔識既差佬既反應: 撲人+搖尾
我已經肯定佢地對個賊係一樣, 通番賣國..認賊作父...
我決定左要大義滅親.....炒左佢地!! 佢地冇得撈...唯有在屋企繼續量地!
而由於仔仔同豆豆係案發現場的唯一証人
於是我就學D差佬咁盤問仔仔，以下是我們的對話:
我: 仔仔!喇! 由於得你同豆豆見過個賊，我宜家就問你D問題!
我(繼續問): 現場得你同豆豆，其實呢單野係唔係你地做既?
仔仔:........... (定定地坐同看著我, 咩反應都冇)
我(繼續問): 咁個賊係唔係中國藉男子呀?
仔仔:........... (定定地坐同看著我之後就眨一隻眼)
我(好興奮): 咁即係個賊係中國藉男子喇!
仔仔:........... (繼續坐同看著我眨兩隻眼)
我: HAHAHAHAHA...(好開心, 一手抱起左仔仔就冇再問落去)

第二，尋晚由入警署的一刻開始，到D差佬離開我家
都差不多成3個幾鐘
基本上，佢地都見到我好開心咁笑!
如果我係D差佬都會覺得呢個女仔好怪....被人爆格都咁happi
其實我開心係因為呢件事對我來講好新鮮，而且好多人走來走去咁，好熱鬧!
不過我唔係唔驚gar, 只係我可以一邊驚一邊笑!
到左尋晚一個人訓覺，真係驚有人再入屋gar!!

第三，當我一個人鋸開個鎖入屋時，我仲讚自己夠獨立!
但我發現屋企有陌生人入過來
我個心就寒一左一寒，真係驚個賊仍在屋內
於是立即打俾上水住的房鐘
佢同積仔好好咁立即過來陪我
仲叫我去報警.....陪左我一晚!
今日仲不斷打電話叫我搬....
其實好好彩自己有好多好朋友照顧我關心我
另外，我半夜點幾打俾傻豹
佢都好耐心都安慰我
仲有好多好多朋友在msn, fb上支持我......
可能是神給我呢個神奇的經歷，令我知道自己有幾好彩
係俾人偷左d野, 但起碼仔仔同豆豆冇事，而且仲有一班好朋友!

第四，剛開始學用繪圖版又俾人偷左牌版 同 notebook
唉! 冇得學喇!! 唯有睇書同聽歌!! 有時仲可以打下PS2!!

第五，D差佬唔係叫爆格
佢地既術語係"老爆"!
其實我入去差館報案時
我同D差人講...我屋企被人打劫
差人既反應係: o下
我心諗: o下咩呀!! 第一次聽咩?!
我就答佢地: 係呀! d賊入左我家打劫!
跟住之差人就講: 哦, 爆竊呀............!
(聽佢地語氣覺得打劫係好嚴重既事!)
我就講: 爆竊! 係呀, 叫爆竊! 我冇你地咁pro呀ma, hahahaha!!!
我回頭偷笑之際，再望望身後既積仔&房鐘
佢地仍然係面無表情的...
(我都覺得自己好"鏍"....冇法喇, 第一次呀ma!)

第六，個賊偷左我相機
上星期日我先同哉匙, 積仔&房鐘上大帽山
沿途我一邊影相, 一邊呱呱叫我係第一次上大帽山
仲屈佢地咁話: 我既第一次俾左你地....
佢地既反應，當然是"小"我同埋想掉我落山
咁尋晚積仔知道我冇左部相機
佢就話: o..你既第一次冇左喇...仲係被人老笠左!!
我 (又好興奮): 係wor!! 冇左wor!! hahahahaaaa

俾人"老爆"都咁happi...
因為真係有好多笑話出現左....hahahahaa