豆豆豬: 媽咪真是傻瓜!

豆豆: 自從媽咪尋日幫我沖左涼之後，佢就成日叫我去佢身邊，死眼咁盯住我個PAT PAT，仲用手拉下我D毛，之後就好驚咁望住我…究竟佢做咩呢?
媽咪: 豆豆，你點解係咁甩毛，後面仲甩左圈形出來…有皮膚病呀!! 點好??

豆豆: 今日媽咪放工回來，竟然冇去HEA，而係煞有介事咁同我地兩個講: 去街街! 佢好快咁執好要用既野! EE…點解媽咪今次戴銀包出街??? 唔理LU….衝出去先!
行冇幾耐，等我同哥哥ALL晒屎尿，媽咪就折停左一部綠的士，叫我地上去!! 嘩!! 有車搭，好開心呀! 我第一次同媽咪搭綠的呢! 哥哥一見媽咪坐好，就坐在媽咪手臂上面睇風景! 我只好在後座行來行去! 好開心呢….究竟去邊呢???
冇幾耐我地就落車，行到一間PET SHOP前面…嘩!! 好多唔同既狗味，最開心係有零食味! 之後，我同亞哥衝入去，周圍轉…..
而媽咪就同個店東傾計，我聽到媽咪原來講緊我! 仲叫我去佢身邊俾PAT PAT人地睇….做咩呢??

媽咪: 請問一下豆豆係唔係有皮膚病? 你睇下佢個PAT PAT位有一個灰色圓圈位! 仲不斷甩毛，一扯就甩!
豆豆: 當時媽咪好惶恐，攪到我都即刻停低靜左!!
店東: 係呀! 佢生癬呀! 會傳人的!
媽咪: 咁點好?
店東: 同佢用呢支”野”沖涼，日日抹下傷口，之後噴藥水!
媽咪: 知道知道!
店東: 其實佢唔夠營養呀! 同佢食呢D營養餅補充下喇!
媽咪: UM, 好呀好呀!
豆豆: 下! 不來我病左，唔怪之得媽咪咁緊張!一放工就帶左我地出來!
媽咪: 咁點解佢PAT PAT不斷甩毛?
店東: 個D係死毛，你要日日同佢梳毛GAR!
媽咪: …..
豆豆: HAHA，媽咪唔知我要換毛，其實佢已經好耐冇同我梳過毛喇….
媽咪: 好喇, 我日日同佢梳毛毛喇!

豆豆: 回到家，媽咪鬆左口氣! 喂左我同哥哥食飯之後，就俾左D營養餅我地食! 之後竟捉左我去梳毛, 係咁擦係咁擦係咁擦, 我成身D毛都鬆晒，真係輕左唔少!你睇下地下有幾多梳出的毛就知道我幾耐冇梳毛毛!! 之後媽咪仲為我洗傷口同噴藥水! 佢話要我快D好番WOW!! 媽咪真是傻瓜!